Тағйири қонун: Дастрасӣ ба иттилоъ дар бораи кори монополистҳо осонтар мешавад

© Sputnik / Амир ИсаевЦентр города Душанбе
Центр города Душанбе - Sputnik Тоҷикистон, 1920, 13.12.2021
Обуна шудан
НовостиTelegram
Гулбаҳор Назирӣ, вакили парлумони Тоҷикистон, тағйироти қабулшуда ба Қонун "Дар бораи инҳисороти табиӣ"-ро тавзеҳ дод
ДУШАНБЕ, 13 дек — Sputnik. Маҷлиси намояндагони Тоҷикистон дар ҷаласаи ахири худ тағйиру иловаҳо ба Қонун "Дар бораи инҳисороти табиӣ"-ро қабул намуд.
Вакил Гулбаҳор Назирӣ мегӯяд, ҳадафи тағйирот бартараф намудани норасоиву носаҳеҳии меъёрҳои алоҳидаи қонуни амалкунанда мебошад.
Ба навиштаи нашрияи парлумонии "Садои мардум", Назирӣ тавзеҳ дод, ки яке аз тағйирот талабот нисбат ба мол ва кору хидматрасонии субъекҳои инҳисори табииро фаро мегирад, ки яке аз унсурҳои он бехатарӣ ба ҳисоб меравад.
Гозовая труба в городе Худжанд - Sputnik Тоҷикистон, 1920, 06.11.2021
Аз бензину гази моеъ арзонтар: Тоҷикистон истифодаи гази табииро ба роҳ мемонад
Вакили Маҷлиси намояндагон афзуд, аз тағйироти дигар фаъолсозии иттилоотии субъектҳои инҳисороти табиӣ мебошад.
Аз ҷумла бар асоси иловаҳои қонун, инҳисоргарон муваззаф шудаанд, ки дар сомонаашон иттилоотро ҷойгир кунанд. Чунин субъектҳо уҳдадор шудаанд, ки дар бораи фаъолияти худ дар расонаҳо, аз ҷумла аз тариқи интернет маълумот нашр намоянд.
Гулбаҳор Назирӣ изҳор кардааст, ки қабули тағйирот ба қонун барои бартараф шудани камбудиву норасоиҳо мусоидат намуда, аз ҷумла дастрасии аҳли ҷомеа ба иттилооти марбут ба фаъолияти субъектҳои инҳисороти табииро фароҳам месозад.
Зимни қабули тағйирот ба қонун таъкид шудааст, ки он хароҷоти иловагӣ аз буҷаи давлатиро талаб намекунад.
Лентаи хабарҳо
0