Эҳтимоли баррасии эътирофи муштараки шаҳодатномаи моякӯбӣ бар зидди COVID-19 дар ИДМ

© Sputnik / Евгений ОдиноковСертификат о вакцинации
Сертификат о вакцинации - Sputnik Тоҷикистон, 1920, 14.01.2022
ИДМ шароити эътирофи шаҳодатномаҳои моякӯбии муштараки аъзои ин иттиҳод алайҳи COVID-19-ро баррасӣ мекунад
ДУШАНБЕ, 14 янв — Sputnik. Миёни кишварҳои ИДМ эътирофи муштараки шаҳодатномаи моякӯбӣ бар зидди COVID-19 дар ҳоли баррасӣ қарор дорад, иттилоъ додааст Кумитаи иҷроияи ИДМ.
“Пешниҳоди баррасии масъалаи эътирофи мутақобилаи шаҳодатномаҳои моякӯбӣ, ки бо ташаббуси Беларус сурат гирифта буд, аз тарафи вазирони тандурустӣ ва пизишкони аршади марбути беҳдоштӣ дар ҷаласаи Шӯрои ҳамкорӣ дар умури тандурустии ИДМ баррасӣ шуд. Дар шӯро гурӯҳи корӣ ташкил ва ба он супориш дода шуда буд, ки ин масъаларо омухта, пешниҳодҳои мушаххасеро ироа кунанд. Нахустин ҷаласаи гурӯҳи корӣ имрӯз дар қароргоҳи ИДМ дар Минск баргузор шуд”, - иттилоъ додааст дафтари матбуотии Кумитаи иҷроияи ИДМ.
Зикр шудааст, дар ҷаласа, ки аз тариқи видеоконфронс баргузор шуд, намояндагони Арманистон, Беларус, Қазоқистон, Қирғизистон, Русия, Тоҷикистон, Комиссияи иқтисодии Авруосиё ва Кумитаи иҷроияи ИДМ ширкат доштанд.
В Центральном военном округе приступили к вакцинации личного состава от коронавируса - Sputnik Тоҷикистон, 1920, 13.01.2022
Тоҷикистон даври сеюми моякӯбӣ алайҳи COVID-ро эълон мекунад
Иштирокдорони ин ҷаласа қайд карданд, ки пандемияи корона давомдор хоҳад буд, бинобар ин масъалаи муборизаи муштарак бо COVID-19-ро дар ҳамгироӣ бо кишварҳои ИДМ дар мадди аввал гузоштан лозим аст.
Ҳамзамон иттилоъ дода шудааст, ки зимни мулоқот аъзои гурӯҳи корӣ дар бораи ташкили моякӯбӣ бар зидди COVID-19, бақайдгирии шаҳрвандони ваксинагирифта ва эътирофи шаҳодатномаҳои моякӯбӣ табодули назар карданд.
Тарафҳо бар сари зарурати тасреи ҳалли масъалаи эътирофи ваксина ва шаҳодатномаҳои мокӯбӣ ба зидди коронавирус дар қаламрави кишварҳои ИДМ таъкид намуданд.
Қарор аст, ин пешниҳодҳо дар ҷаласаи навбатии гурӯҳи корӣ, ки моҳи феврал баргузор мешавад, баррасӣ шаванд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала