"Маскав дигар наметавонад таҳаммул кунад": Песков аз вуруди НАТО ба Украина гуфт

© Sputnik / Сергей Гунеев / Гузаштан ба хазинаи аксЗаместитель руководителя администрации президента РФ - пресс-секретарь президента РФ Дмитрий Песков
Заместитель руководителя администрации президента РФ - пресс-секретарь президента РФ Дмитрий Песков  - Sputnik Тоҷикистон, 1920, 16.01.2022
Обуна шудан
Yandex newsTelegram
Русия дигар наметавонад вуруди мунтазами НАТО-ро ба Украина таҳаммул созад
ДУШАНБЕ, 16 янв — Sputnik. Дмитрий Песков, сухангӯи раисҷумҳури Русия мегӯяд, ин кишвар дохил шудани мунтазами НАТО ба Украинаро мушоҳида дорад.
Русия наметавонад вуруди НАТО-ро ба Украина дигар таҳаммул намояд, гуфт Песков дар суҳбат бо шабакаи телевизиони CNN.

"Вуруди НАТО-ро ба Украина бо инфрасохтори худ, захираҳои мудофиавӣ ва ҳамлаӣ, тамрини низомиёни украинӣ ва амсоли инро мушоҳида дорем", - гуфт Песков.

Ӯ ин нуктаро дар посух ба суол дар мавриди дидгоҳи Маскав ба вазъият атрофи Украина баён дошт.

Ба гуфтаи сухангӯи Кремл, чунин раванди ҳаводис муносиботи Русия ва НАТО-ро ба "хатти қирмиз" наздик овард ва Маскав "дигар наметавонад инро таҳаммул намояд".
Песков афзуд, ки маҳз ба ҳамин далел Владимир Путин, раисҷумҳури Русия дар хитоб ба Ғарб аз таҳдиди воқеӣ ба амнияти кишвар гуфт.
Вай зикр намуд, ки замони якҷояшавии Олмон, ИМА ваъда дод, ки НАТО ба сӯи шарқ васеъ намешавад, аммо ин нукта аз нигоҳи ҳуқуқӣ таҳия нашуда буду кафолатҳои ҳуқуқӣ надошт.
Министр иностранных дел РФ Сергей Лавров - Sputnik Тоҷикистон, 1920, 14.01.2022
Лавров: Ғарб косаи сабри Русияро лабрез кард
Песков изҳор доштаст, ки Русия муҳим медонад, ки нерӯҳояшро дар марҳилаи мураккаб дар наздикии Украина нигоҳ дорад.
Қаблан Маскав лоиҳаи созишномаҳо бо ИМА ва кишварҳои узви НАТО-ро пешниҳод карда буд.
Дар ин тарҳҳо бандҳои марбути кафолати тарафайни амниятӣ дар Аврупо, ҷой надодани мушакҳои миёна ва кутоҳпарвоз дар фосилаи дастрасӣ ба қаламрави ҳамдигар, худдорӣ аз васеъ кардани эътилоф, аз ҷумла аз ҳисоби кишварҳои пасошӯравӣ матраҳ шудаанд.
Йенс Столтенберг, дабири кулли НАТО зимни шарҳи пешниҳодҳои Маскав дар мавриди густариш наёфтани ин эътилоф изҳор дошт, ки ҳар кишвар бояд ҳаққи мустақили интихоб дошта бошад, ки мехоҳад ба ин иттиҳоди низомӣ ворид шавад ва ё на.
Лентаи хабарҳо
0