Қаноатмандии Эмомалӣ Раҳмон аз рушди муносибот бо Ҷопон: Қадр мекунем

© Пресс-служба Президента Республики ТаджикистанПрезидент Республики Таджикистан Эмомали Рахмон
Президент Республики Таджикистан Эмомали Рахмон - Sputnik Тоҷикистон, 1920, 02.02.2022
Обуна шудан
НовостиTelegram
Президенти Тоҷикистон ва сарвазири Ҷопон ҳамдигарро шодбош гуфтанд
ДУШАНБЕ, 2 фев — Sputnik. Президенти Тоҷикистон Эмомалӣ Раҳмон ва cарвазири Ҷопон Фумио Кисида ба муносибати 30-юмин солгарди барпо намудани равобити дипломатии ду кишвар мубодилаи барқияи табрикӣ карданд, хабар медиҳад хадамоти матбуотии раисҷумҳури Тоҷикистон.
Эмомалӣ Раҳмон дар барқияи табрикаш сарвазир ва мардуми Ҷопонро ба муносибати 30-юмин солгарди барқарории муносибатҳои дипломатӣ табрик намуда, аз густариши ҳамкориҳои ду кишвар изҳори қаноатмандӣ кардааст.
"Дар ин зимн мо саҳми назарраси Ҷопонро дар татбиқи лоиҳаҳои барои Тоҷикистон муҳим дар арсаҳои гуманитарӣ, иҷтимоиву иқтисодӣ, нақлиётиву коммуникатсионӣ ва дигар соҳаҳои ҳамкорӣ баланд қадр мекунем", - омадааст дар барқияи президент.
Кишвардори Тоҷикистон ҳамкориҳо дар чорчӯби Муколамаи “Осиёи Марказӣ+Ҷопон”-ро махсус таъкид кардааст.
Раҳмон ҳамчунин изҳор доштааст, ки алоқаманди пешбурди минбаъдаи муносибатҳои Тоҷикистон ва Ҷопон дар ҳама самтҳои мавриди эҳтимоми тарафайн ҳаст.
"Омодаем, ки баҳри ғанӣ гардонидани онҳо бо мазмуну муҳтавои нав дар оянда низ якҷоя тамоми тадбирҳои заруриро роҳандозӣ намоем", - гуфтааст президент.
Вручение копий верительных грамот Посла Японии в Таджикистане - Sputnik Тоҷикистон, 1920, 21.01.2022
Сафири тозатаъйини Ҷопон ба муовини Муҳриддин эътимоднома супурд
Фумио Кисида бошад, дар барқияи табрики худ аз замони барқароршавии муносиботи ду кишвар ёдрас шуда, изҳори умедворӣ кардааст, ки ҷашнвораи соли ҷории 30-юмин солгарди истиқрори муносибатҳои дипломатӣ ба рушди минбаъдаи муносибатҳо мусоидат хоҳад кард.
"Боиси хушнудист, ки Ҷопон бо Тоҷикистон тавассути муколамаи доимӣ дар сатҳи баланд, аз қабили сафари Синзо Абэ ба Тоҷикистон дар соли 2015 ва сафарҳои чаҳоркаратаи Ҷаноби Олӣ ба Ҷопон, дар самтҳои ҳамкориҳои иқтисодӣ, омодасозии кадрҳо ва суботи минтақа, аз ҷумла дар арсаи назорати сарҳадӣ пайваста ҳамкорӣ мекунад", - гуфтааст Кисида.
Сарвазир хабар дод, ки имсол дар чорчӯби Муколамаи "Осиёи Марказӣ + Ҷопон" мулоқоти вазирони корҳои хориҷӣ баргузор мешавад.
Сиёсатмадори ҷопонӣ изҳори умедворӣ кардааст, ки рушди минбаъдаи ҳамкориҳо дар чорчӯби механизми мазкур идома хоҳад ёфт.
Лентаи хабарҳо
0