https://sputnik.tj/20220310/tojikiston-misr-rahmon-sisi-1046683209.html
Мулоқоти сарони Тоҷикистону Миср: Раҳмон ва Сисӣ чиро баррасӣ карданд?
Мулоқоти сарони Тоҷикистону Миср: Раҳмон ва Сисӣ чиро баррасӣ карданд?
Sputnik Тоҷикистон
Президенти Тоҷикистон бо ҳамтои мисрияш равобити кишварҳоро қариб дар ҳама самтҳо, иқтисоду амният, тандурустиву туризм, илму фарҳанг баррасӣ кардааст
2022-03-10T16:47+0500
2022-03-10T16:47+0500
2022-03-10T19:31+0500
дар тоҷикистон
миср
ҳамкорӣ
сиёсат
https://cdnn1.img.sputnik.tj/img/07e6/03/0a/1046682808_0:0:3076:1731_1920x0_80_0_0_26225dc70e03374ce6128b158a190b39.jpg
ДУШАНБЕ, 10 мар – Sputnik. Эмомалӣ Раҳмон, раисҷумҳури Тоҷикистон бо Абдулфаттоҳ Ас-Сисӣ, президенти Ҷумҳурии Арабии Миср мулоқот кардааст.Зимни суҳбати хоса ва музокироти васеъ масъалаҳои муҳими муносибатҳои дуҷониба ва бисёрҷонибаи Тоҷикистону Миср мавриди баррасӣ қарор дода шудааст, хабар медиҳад дафтари матбуотии раисҷумҳури Тоҷикистон.Дар ин дидор таъкид гардидааст, ки мувофиқаҳои бадастомада барои ба сатҳи сифатан нав баровардани робитаҳои ду кишвар дар соҳаҳои тиҷоративу иқтисодӣ, илмиву техникӣ ва гуманитариву фарҳангӣ заминаи мусоид фароҳам хоҳанд овард.Дар мулоқот робитаҳои байнипарламентӣ, ташкил ва тақвияти фаъолияти гурӯҳҳои дӯстии байнипарламентӣ, ҷиҳати густариши ҳамкории фарогири дуҷониба муҳим арзёбӣ гардид.Сарони кишварҳо таъкид кардаанд, ки ҷоннок кардани кори Комиссияи муштараки байниҳукуматии кишварҳо дар робита ба ҳамкории иқтисодӣ, илмӣ ва фаннӣ, баргузории Анҷумани соҳибкорони Тоҷикистону Миср ва таъсиси Шӯрои соҳибкорони ду кишвар барои густаришу тавсеаи ҳамкорӣ нақши муҳим хоҳад дошт.Раҳмон ва Сисӣ рушди ҳамкорӣ дар соҳаҳои гуногунро баррасӣ карда, дар заминаи арзишҳои муштараки таърихӣ ва фарҳангӣ, дар робита ба баргузории рӯзҳои фарҳанг дар кишварҳои якдигар, таҷлили муштараки ҷашнҳои бузургони адаб ва фарҳанги гузашта, дар ҷиҳати роҳандозии робитаҳои судманд ва табодули таҷриба байни муассисаҳои илмӣ ва таълимии Тоҷикистону Миср ба мувофиқа расиданд.Тавсеаи ҳамкорӣ дар соҳаи сайёҳӣ бо истифода аз таҷриба ва имконоти мавҷудаи байни ду кишвар аз самтҳои дигару судовар дар муносиботи мамлакатҳо номида шуд.Тоҷикистон ва Миср барои ҳамкориҳои судманд дар масоили марбут ба амнияти минтақавӣ, мубориза бо таҳдиду хатарҳои ҷаҳони муосир ва дар дигар самтҳои мавриди таваҷҷуҳи ҳамдигар омодагии худро эълон доштанд.Густариши минбаъдаи ҳамкорӣ ҷиҳати мубориза бо терроризми байналмилалӣ, ифротгароӣ, қочоқи силоҳ ва маводди мухаддир, киберҷиноятҳо, ҷинояткории муташаккили фаромиллӣ ва ҳамчунин масоили амниятӣ атрофи кишварҳои Ховари Миёна, Африқои Шимолӣ ва Афғонистон мазуи дигари мулоқоти Раҳмон ва Ас-Сисӣ будааст.
https://sputnik.tj/20220310/rahmon-tojiron-misri-bunyod-korkhonaho-tojikiston-1046663166.html
https://sputnik.tj/20220310/istiqbol-rasmi-rahmon-misr-1046682598.html
миср
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон миср раҳмон сисӣ
тоҷикистон миср раҳмон сисӣ
Мулоқоти сарони Тоҷикистону Миср: Раҳмон ва Сисӣ чиро баррасӣ карданд?
16:47 10.03.2022 (Навсозишуда: 19:31 10.03.2022) Президенти Тоҷикистон бо ҳамтои мисрияш равобити кишварҳоро қариб дар ҳама самтҳо, иқтисоду амният, тандурустиву туризм, илму фарҳанг баррасӣ кардааст
ДУШАНБЕ, 10 мар – Sputnik. Эмомалӣ Раҳмон, раисҷумҳури Тоҷикистон бо Абдулфаттоҳ Ас-Сисӣ, президенти Ҷумҳурии Арабии Миср мулоқот кардааст.
Зимни суҳбати хоса ва музокироти васеъ масъалаҳои муҳими муносибатҳои дуҷониба ва бисёрҷонибаи Тоҷикистону Миср мавриди баррасӣ қарор дода шудааст, хабар медиҳад дафтари матбуотии раисҷумҳури Тоҷикистон.
Дар ин дидор таъкид гардидааст, ки мувофиқаҳои бадастомада барои ба сатҳи сифатан нав баровардани робитаҳои ду кишвар дар соҳаҳои тиҷоративу иқтисодӣ, илмиву техникӣ ва гуманитариву фарҳангӣ заминаи мусоид фароҳам хоҳанд овард.
Дар мулоқот робитаҳои байнипарламентӣ, ташкил ва тақвияти фаъолияти гурӯҳҳои дӯстии байнипарламентӣ, ҷиҳати густариши ҳамкории фарогири дуҷониба муҳим арзёбӣ гардид.
Сарони кишварҳо таъкид кардаанд, ки ҷоннок кардани кори Комиссияи муштараки байниҳукуматии кишварҳо дар робита ба ҳамкории иқтисодӣ, илмӣ ва фаннӣ, баргузории Анҷумани соҳибкорони Тоҷикистону Миср ва таъсиси Шӯрои соҳибкорони ду кишвар барои густаришу тавсеаи ҳамкорӣ нақши муҳим хоҳад дошт.
Раҳмон ва Сисӣ рушди ҳамкорӣ дар соҳаҳои гуногунро баррасӣ карда, дар заминаи арзишҳои муштараки таърихӣ ва фарҳангӣ, дар робита ба баргузории рӯзҳои фарҳанг дар кишварҳои якдигар, таҷлили муштараки ҷашнҳои бузургони адаб ва фарҳанги гузашта, дар ҷиҳати роҳандозии робитаҳои судманд ва табодули таҷриба байни муассисаҳои илмӣ ва таълимии Тоҷикистону Миср ба мувофиқа расиданд.
Тавсеаи ҳамкорӣ дар соҳаи сайёҳӣ бо истифода аз таҷриба ва имконоти мавҷудаи байни ду кишвар аз самтҳои дигару судовар дар муносиботи мамлакатҳо номида шуд.
Тоҷикистон ва Миср барои ҳамкориҳои судманд дар масоили марбут ба амнияти минтақавӣ, мубориза бо таҳдиду хатарҳои ҷаҳони муосир ва дар дигар самтҳои мавриди таваҷҷуҳи ҳамдигар омодагии худро эълон доштанд.
Густариши минбаъдаи ҳамкорӣ ҷиҳати мубориза бо терроризми байналмилалӣ, ифротгароӣ, қочоқи силоҳ ва маводди мухаддир, киберҷиноятҳо, ҷинояткории муташаккили фаромиллӣ ва ҳамчунин масоили амниятӣ атрофи кишварҳои Ховари Миёна, Африқои Шимолӣ ва Афғонистон мазуи дигари мулоқоти Раҳмон ва Ас-Сисӣ будааст.
