https://sputnik.tj/20220323/benzinu-dizel-tojikiston-arzon-gazi-moe-1047021865.html
Бензину дизел дар Тоҷикистон арзон шуду, гази моеъ на. Чаро?
Бензину дизел дар Тоҷикистон арзон шуду, гази моеъ на. Чаро?
Sputnik Тоҷикистон
Дар пайи уфти пайвастаи қурби доллар, ҳоло дар манотиқи Тоҷикистон поёнравии нархи маводи сӯхт мушоҳида мешавад
2022-03-23T19:00+0500
2022-03-23T19:00+0500
2022-03-23T19:00+0500
дар тоҷикистон
сӯзишворӣ
бензин
суғд
https://cdnn1.img.sputnik.tj/img/07e4/07/0f/1031577538_0:143:3133:1905_1920x0_80_0_0_ee91c81bcafbde9fc3a2c4078946cd79.jpg
ДУШАНБЕ, 23 мар — Sputnik. Тибқи нархномае, ки аксари ширкатҳои фурӯши маводи сӯхт мураттаб намудаанд, поёнравии нархи бензин ва сӯзишвории дизелӣ ба назар мерасад.Ҳоло дар нуқтаҳои фурӯши сӯзишворӣ (АЗС) дар навоҳии Суғд арзиши як литр бензини навъи АИ 92 11,8 сомонӣ ва АИ 95 12,2 сомонӣ рақам зада шудааст, ки дар муқоиса ба се-чор рӯзи қабл 50 дирам арзон аст.Нархи сӯзишвории дизелӣ ҳам тамоюли поёнравӣ дошта, аз 12,7 сомонии рӯзҳои пеш ба 12,2 сомонӣ коҳиш ёфтааст.Дар ин миён нархи гази моеъ бетағйир, 7,2 сомонӣ боқӣ мондааст.Як ҳафта қабл дар аксари минтақаҳои Суғду Хатлон ва шаҳри Душанбе литри гази моеъ 7,3 сомонӣ, бензини АИ 92 12,3 ва АИ 95 12,5 сомонӣ, сӯзишвории дизелӣ ба 12,7 сомонӣ ва дар баъзе ҷойҳо аз ин ҳам бештар арзиш дошт.Амир Усмонов, як корманди ширкати таъминоти маводи сӯхт дар шаҳри Истаравшан ба Sputnik Тоҷикистон поёнравии нархи маводи сӯхтро таъйид намуд ва сабаби онро низ шарҳ дод.Зимнан бонкҳои Тоҷикистон дар таътили наврӯзӣ ва чанд рӯз аст, ки қурби долларро расман шарҳ надодаанд. Вале онҳое, ки ба “бозори сиёҳ” сарукор доранд, ба уфти назарраси арзиши доллар ва болоравии қурби рубл ишора мекунанд.Бино ба гуфти ҳамсуҳбатони мо, ҳоло қурби 100 доллари амрикоӣ то ба 1200 сомонӣ дар “бозори сиёҳ” поин шудааст.Як ҳафта қабл бонкҳои Тоҷикистон қурби 100 доллари амрикоиро то ба 1300 сомонӣ муқаррар намуда буданд.Дар пайи ин эълони расмӣ, арзиши умдатарин маводи ғизоии воридотӣ, аз ҷумла 50 кило орд ба беш аз 310 ва 10 кило шакар ба 130 сомонӣ расид.Дар ҳамин ҳол дар Тоҷикистон ҳудуди 30 ширкати воридкунандаи маводи сӯхт сабти ном шудааст. Бино ба маълумоти хадамоти гумруки ҷумҳурӣ, соли гузашта беш аз 618,7 ҳазор тонна маҳсулоти нафтӣ ба маблағи умумии 412,6 миллион доллар ворид карда шудааст. Дар ин давра 410,5 ҳазор тонна гази моеъ ба маблағи 211,7 миллион доллар ворид шудааст.Ба Тоҷикистон бензину сӯзишвории дизелӣ ва гази моеъ асосан аз Русия ва Қазоқистон ворид мешавад.
https://sputnik.tj/20220119/aks-rezish-naft-uqyonusi-orom-1044949856.html
https://sputnik.tj/20220309/arzish-benzin-sughd-somoni-rasid-1046639504.html
суғд
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, бензин, дизел, сӯзишворӣ, арзон, қимат, суғд
тоҷикистон, бензин, дизел, сӯзишворӣ, арзон, қимат, суғд
Бензину дизел дар Тоҷикистон арзон шуду, гази моеъ на. Чаро?
Дар пайи уфти пайвастаи қурби доллар ҳоло дар манотиқи Тоҷикистон поёнравии нархи маводи сӯхт мушоҳида мешавад
ДУШАНБЕ, 23 мар — Sputnik. Тибқи нархномае, ки аксари ширкатҳои фурӯши маводи сӯхт мураттаб намудаанд, поёнравии нархи бензин ва сӯзишвории дизелӣ ба назар мерасад.
Ҳоло дар нуқтаҳои фурӯши сӯзишворӣ (АЗС) дар навоҳии Суғд арзиши як литр бензини навъи АИ 92 11,8 сомонӣ ва АИ 95 12,2 сомонӣ рақам зада шудааст, ки дар муқоиса ба се-чор рӯзи қабл 50 дирам арзон аст.
Нархи сӯзишвории дизелӣ ҳам тамоюли поёнравӣ дошта, аз 12,7 сомонии рӯзҳои пеш ба 12,2 сомонӣ коҳиш ёфтааст.
Дар ин миён нархи гази моеъ бетағйир, 7,2 сомонӣ боқӣ мондааст.
Як ҳафта қабл дар аксари минтақаҳои Суғду Хатлон ва шаҳри Душанбе литри гази моеъ 7,3 сомонӣ, бензини АИ 92 12,3 ва АИ 95 12,5 сомонӣ, сӯзишвории дизелӣ ба 12,7 сомонӣ ва дар баъзе ҷойҳо аз ин ҳам бештар арзиш дошт.
Амир Усмонов, як корманди ширкати таъминоти маводи сӯхт дар шаҳри Истаравшан ба Sputnik Тоҷикистон поёнравии нархи маводи сӯхтро таъйид намуд ва сабаби онро низ шарҳ дод.
“Қурби доллар се чор рӯз аст, ки беист поён рафта истодааст. Ҳар қадар ки қимати он поён шавад, нархи сӯзишворӣ ҳам, ки аз хориҷа ворид мешавад, поён меравад”, – гуфт ин фурӯшандаи маводи сӯхт.
Зимнан бонкҳои Тоҷикистон дар таътили наврӯзӣ ва чанд рӯз аст, ки қурби долларро расман шарҳ надодаанд. Вале онҳое, ки ба “бозори сиёҳ” сарукор доранд, ба уфти назарраси арзиши доллар ва болоравии қурби рубл ишора мекунанд.
Бино ба гуфти ҳамсуҳбатони мо, ҳоло қурби 100 доллари амрикоӣ то ба 1200 сомонӣ дар “бозори сиёҳ” поин шудааст.
Як ҳафта қабл бонкҳои Тоҷикистон қурби 100 доллари амрикоиро то ба 1300 сомонӣ муқаррар намуда буданд.
Дар пайи ин эълони расмӣ, арзиши умдатарин маводи ғизоии воридотӣ, аз ҷумла 50 кило орд ба беш аз 310 ва 10 кило шакар ба 130 сомонӣ расид.
Дар ҳамин ҳол дар Тоҷикистон ҳудуди 30 ширкати воридкунандаи маводи сӯхт сабти ном шудааст. Бино ба маълумоти хадамоти гумруки ҷумҳурӣ, соли гузашта беш аз 618,7 ҳазор тонна маҳсулоти нафтӣ ба маблағи умумии 412,6 миллион доллар ворид карда шудааст. Дар ин давра 410,5 ҳазор тонна гази моеъ ба маблағи 211,7 миллион доллар ворид шудааст.
Ба Тоҷикистон бензину сӯзишвории дизелӣ ва гази моеъ асосан аз Русия ва Қазоқистон ворид мешавад.
