Аз авиатсия ба маориф. Ба Субҳонзода вазифаи нав доданд

© Sputnik / Амир ИсаевДиректор Агентства гражданской авиации Икром Субхонзода
Директор Агентства гражданской авиации Икром Субхонзода - Sputnik Тоҷикистон, 1920, 11.04.2022
Обуна шудан
Yandex newsTelegram
Бо як фармоне раисҷумҳури Тоҷикистон мудири Агентии авиатсияи граждании кишварро директори Агентии назорат дар соҳаи маориф ва илм таъйин кард
ДУШАНБЕ, 11 апр — Sputnik. Бо фармони Эмомалӣ Раҳмон, раисҷумҳури Тоҷикистон Субҳонзода Икром Субҳон мудири Агентии назорат дар соҳаи маориф ва илми назди президенти кишвар таъйин шуд.
Бояд қайд кард, ки Субҳонзода Икром Субҳон то имрӯз ба ҳайси мудири Агентии авиатсияи граждании Тоҷикистон кор мекард ва бо қарори раисҷумҳур аз ин вазифа барканор шуд.
Субҳонзода дар вазифаи наваш Саидзода Шоҳин Нуриддин, писари Нуриддин Саид, вазири маорифи собиқ ва раиси феълии Кумитаи телевизион ва радиои Тоҷикистонро иваз кард.
Моҳи феврали соли равон Шоҳин Саидзода бо фармони раисҷумҳур аз вазифаи раиси Агентии назорат дар соҳаи маорифи назди раисҷумҳури Тоҷикистон барканор шуда буд.
Шоҳин Саидзода, раиси Агентии назорат дар соҳаи маорифи назди раисиҷумҳури Тоҷикистон - Sputnik Тоҷикистон, 1920, 21.02.2022
Барканории Шоҳин Саидзода, писари Нуриддин Саид ва нозири №1-и маориф
Ӯ бо сабаби “ба кори дигар гузаштан” аз вазифаи қаблиаш озод шудааст.
Шоҳин Саидзода, писари Нуриддин Саид, вазири асбақи маориф ва раиси феълии Кумитаи телевизион ва радиои Тоҷикистон моҳи марти соли 2020 ба вазифаи директори Агентии назорат дар соҳаи маорифи назди президенти Ҷумҳурии Тоҷикистон таъйин шуда буд.
Ӯ дар синни 36-солагӣ ба ин мансаб расид.
Номи Саидзода Шоҳин қаблан ба далели зикраш дар "Диссернет" бо иттиҳоми асардуздӣ расонаӣ шуда буд. Ӯ ба роҳбарии ниҳоде таъйин гардида буд, ки назорати бахши маорифро ба уҳда дошт.
Лентаи хабарҳо
0