Дар Душанбе 80-солагии Малика Собирова бошукӯҳ таҷлил мешавад

© Sputnik / Александр Макаров / Гузаштан ба хазинаи аксМалика Сабирова в сцене из балета Людвига Минкуса "Дон Кихот"
Малика Сабирова в сцене из балета Людвига Минкуса Дон Кихот - Sputnik Тоҷикистон, 1920, 19.05.2022
Обуна шудан
Yandex newsTelegram
Барои таҷлили зодрӯз ҳунармандони балет аз Русия, Ӯзбекистон ва Ҷопон ба Тоҷикистон омадаанд, ки дар барномаи фарҳангӣ ҳунарнамоӣ мекунанд
ДУШАНБЕ, 19 май — Sputnik. Дар Душанбе 80-солагии ситораи балети тоҷик Малика Собирова, Ҳунарпешаи халқии ИҶШС ва Тоҷикистон, дорандаи ҷоизаи давлатии ба номи Абуабдуллоҳ Рӯдакӣ таҷлил мешавад.
Барои ширкат дар барномаи фарҳангӣ устодони ҳунар аз кишварҳои хориҷ низ омадаанд, хабар медиҳад Вазорати фарҳанги Тоҷикистон.
Ҳамин тавр дар назди тамошобинони тоҷик ҳунармандони балет аз Русия, Ӯзбекистон, Ҷопон ва Тоҷикистон ҳунарнамоӣ мекунанд.
Барномаи фарҳангӣ таҳти унвони "Малика: дирӯз, имрӯз ва ҳамеша" рӯзҳои 21-22 май, соати 18.00 дар Театри давлатии академии опера ва балети Тоҷикистон ба номи С.Айнӣ баргузор мешавад.
Актриса Марьям Исоева - Sputnik Тоҷикистон, 1920, 10.05.2022
Ансамбли “Бибиҳо"-и Тоҷикистон сазовори ҷоизаи байналмилалӣ шуд
Балеринаи нотакрори тоҷик Малика Собирова 22 майи соли 1942 дар шаҳри Сталинобод ба дунё омадааст. Ӯ аз хурдӣ ошиқи балет будааст ва бо падараш зуд-зуд тамошои ин намуди ҳунар меомадааст.
Соли 1952 Коллеҷи хореографии Ленинград (Академияи балети руси ба номи А. Я. Вагановаи кунунӣ) гурӯҳи тоҷикӣ созмон дод. Собирова барои омӯзиш дар ин коллеҷ пешниҳод шудааст ва тирамоҳи ҳамон сол барои таҳсил ба Ленинград рафтааст.
Пас аз нуҳ сол Малика Собирова балеринаи театри опера ва балети тоҷик шуд ва аллакай дар мавсими аввал нақшҳои марказиро иҷро мекард.
Сиркбозони тоҷик барои шаш моҳ ба Туркия ва Покистон рафтанд
Номи Собирова дар саросари Иттиҳоди Шӯравӣ то рафт машҳур мешуд ва дар соли 1964 балерина дар Маскав бо ҳунарманди номии балет - Галина Уланова ҳамкорӣ мекунад.
Балеринаи тоҷик ба аксари кишварҳои ҷаҳон, Бритониё, Ирландия, Ҷопон, Эрон, Миср, Урупо, Куба, Австралия ва Амрикои Лотинӣ сафарҳои ҳунарӣ доштааст.
Бо ҳамсараш, солисти балети ҶШС Тоҷикистон Музаффар Бурҳонов ӯ беҳтарин саҳнаҳои худро иҷро кардааст.
Лентаи хабарҳо
0