Ҳушдори Раҳмон аз оқибатҳои гармӣ ва мушкили нави ҷаҳонӣ

© Пресс-служба президента ТаджикистанаПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 04.06.2022
Обуна шудан
Yandex newsTelegram
Президенти Тоҷикистон мегӯяд, ки бо вуҷуди талошу кӯшишҳои зиёд, мо дар раванди дастрасӣ ба Ҳадафҳои рушди устувор, хусусан, дар бахши об хеле ақиб мондаем
ДУШАНБЕ, 4 июн — Sputnik. Эмомалӣ Раҳмон, раисҷумҳури Тоҷикистон мегӯяд, имрӯз захираҳои ҳаётан муҳим зери таъсири шадиди тағйироти иқлим қарор гирифта ниёз ба таваҷҷуҳи вижа дар сатҳи ҷаҳонӣ дорад.
Ӯ ин нуктаро зимни суханронӣ дар нишасти сеюми Пешвоёни Эътилофи обу иқлим изҳор дошта гуфт, ҳадафи асосии ин чорабинӣ суръатбахшӣ ва татбиқи масъулияту уҳдадориҳои қаблӣ ва таҳрику ташвиқи амалҳои тоза мебошад.
Кишвардори Тоҷикистон мегӯяд, пиряхҳо, ки сарчашмаи асосии обҳои ширин ба ҳисоб мераванд, ҳоло захираҳои онҳо зери таъсири гармшавии глобалӣ босуръат коҳиш ёфта истодаанд.
"Тибқи Гузориши Панели байниҳукуматӣ оид ба тағйироти иқлим дар бораи уқёнусҳо ва криосфера, то охири садсолаи равон сеяки пиряхҳои ҷаҳон метавонанд аз байн раванд", - гуфт Раҳмон.
Ба гуфтаи президент дар Тоҷикистон танҳо дар якчанд даҳсолаи охир беш аз як ҳазор пирях аз байн рафта, ҳаҷми умумии пиряхҳои кишвар ба андозаи тақрибан сеяк баробар кам гардидааст.
Ӯ аз қавли коршиносон гуфт, се соли охир гармтарин солҳо дар тамоми давраи мушоҳидаҳои обуҳавошиносӣ дар Сайёра ба шумор мераванд.
Вазъи таъмини об дар кишварҳои Осиёи Марказиро президент яке аз намунаҳои возеҳи ин гуфтаҳо арзёбӣ кард.
Нурекское водохранилище в Таджикистане - Sputnik Тоҷикистон, 1920, 29.05.2022
Вакил: Захираи энергияи сабзи Тоҷикистон аз талаботи тамоми ОМ як баробар зиёд аст
Ба гуфти ӯ, агар дар солҳои шастуми асри гузашта таъминоти об ба сари ҳар як нафари аҳолӣ дар минтақа солона зиёда аз ҳашт ҳазор метри мукаабро ташкил карда бошад, ин нишондиҳанда имрӯз зиёда аз чор баробар кам гардидааст.
Омили дигари вобаста ба раванди мазкур ин афзоиши босуръати теъдоди аҳолии кишварҳои минтақа мебошад. Акнун ин рақам дар як сол ҳамагӣ аз ду ҳазор метри мукааб иборат аст.
Президенти Тоҷикистон гуфт, ки ин масъалаи доғи рӯз бояд дар меҳвари таваҷҷуҳи хоси ҷомеаи ҷаҳонӣ қарор дошта бошад.
Лентаи хабарҳо
0