Снаряженные магазины от автомата Калашникова  - Sputnik Тоҷикистон, 1920
Амалиёти вижаи Русия барои ҳимояи Донбасс: охирин хабарҳо
Дар пасманзари зӯргӯиҳои мақомоти Киев алайҳи Донетску Луганск, Русия мустақилияти ин ҷумҳуриҳоро эътироф кард. Бо дархости роҳбарони ҶХЛ ва ҶХД, Владимир Путин, президенти Русия 24 феврал барои амалиёти вижаи ҳимоя аз Донбасс дастур дод, ки феълан идома дорад

Вокуниши Кремл ба иддаои Киев барои эҳёи музокирот

Кремл. Акс аз бойгонӣ - Sputnik Тоҷикистон, 1920, 20.06.2022
Обуна шудан
Yandex newsTelegram
Сухангӯи раисҷумҳури Русия иддаои бархе мақомдорони Киев барои азсаргирии музокироти сулҳ бо Маскавро намоишкорӣ бо усули украинӣ унвон кард
ДУШАНБЕ, 20 июн — Sputnik. Услуби украинӣ дар мавриди музокирот бо Маскав ҳеч натиҷаи хубе ба бор наовард, изҳор дошт сухангӯи раисҷумҳури Русия, Дмитрий Песков.
Вай зимни шарҳи иддаои мақомдорони Киев барои эҳёи музокирот бо Маскав дар моҳи август, изҳор дошт, ки ин услуби шиноси украинӣ мебошад.
"Хеле намоишкории хуби музокирот бо шеваи украинӣ мебошад. Мо дер боз ин услубро медонем ва ин услуби украинӣ чизи хубе дар пай надошт", - изҳор дошт Песков. Вай ин нуктаро дар посух ба он гуфт, ки оё Маскав омода аст, то моҳи август мунтазир бимонад.
Маврид ба зикр аст, ки пас аз оғози амалиёти вижа дар Украина, Маскав ва Киев 4 даври музокироти рӯ ба рӯ баргузор карданд. Тарафҳо аллакай дар баъзе масъалаҳо ба созиш расиданд. Аммо моҳи апрел муколама қатъ шуд, зеро Украина ба пешниҳодҳои Русия дар бораи тарҳи созиш дигар вокуниш накард.
Президент РФ В. Путин - Sputnik Тоҷикистон, 1920, 07.06.2022
Зеленский бори дигар аз омодагии худ барои музокирот бо Путин гуфт
Ахиран намояндаҳои Киев дигарбора аз эҳтимоли азсаргирии музокирот дар охири моҳи август гуфтанд.
Дар вокуниш ба ин муовини раиси Шӯрои амнияти Русия, Дмитрий Медведев, изҳор дошт, ки оё то моҳи август масъалае барои суҳбат боқӣ хоҳанд монд.
"Раҳбари гурӯҳи музокиротӣ аз Украина имконпазир медонад, ки музокирот бо Русия охири моҳи август аз сар гирифта шавад. Суоле ба миён меояд, ки оё мавзуъе бораи суҳбат ва бо кӣ, боқӣ хоҳад монд", - суол гузошт Медведев дар саҳифааш дар "Telegramm".
Русия 24 феврал дар Украина амалиёти вижаро оғоз карда буд. Кишвардор Владимир Путин ҳадафи онро "ҳимояи одамоне номид, ки тӯли 8 сол аз сӯи режими Киев мавриди таҳқиру наслкушӣ қарор гирифтаанд".
Лентаи хабарҳо
0