Борон ва баъзан барф: пешгӯии ҳаво дар Тоҷикистон

Мужчина под зонтом в парке - Sputnik Тоҷикистон, 1920, 30.10.2022
Обуна шудан
НовостиTelegram
Дар бархе аз навоҳии куҳии Тоҷикистон барфрезӣ дар назар буда, ҳарорат дар Сухду ВМКБ то 15 дараҷа, Хатлон - 21 ва Душанбе то 18 дараҷа мерасад
ДУШАНБЕ, 30 окт — Sputnik. Ҳаво дар Тоҷикистон қисман абрнок шуда, борон меборад, хабар додааст Ожонси ҳавошиносии ҷумҳурӣ.
Ба иттилои манбаъ, ҳавои абрнок аз ҷумла Вилояти Мухтори Кӯҳистони Бадахшонро фаро гирифта, дар ноҳияҳои алоҳида бориши борон ва барф ба амал меояд. Ҳарорат дар ғарби вилоят шабона 0+5 дараҷа гарм, рӯзона 10+15 дараҷа гарм, дар шарқи вилоят шабона 4-9 дараҷа хунук ва рӯзона 2+7 дараҷа гарм мешавад, омадаст дар иттилоия.
Ҳавои қисман абрнок дар Суғд низ дар назар буда, дар водиҳо борон ва ноҳияҳои кӯҳӣ барфу борон пешгӯӣ мешавад. Ҳарорат дар водиҳо шабона 6+11 дараҷа гарм, рӯзона 10+15 дараҷа, дар ноҳияҳои кӯҳӣ шабона аз 1 дараҷа хунук то 4 дараҷа гарм, рӯзона 4+9 дараҷа гарм мешавад.
Термометр показывает почти 40 градусов по Цельсию, архивное фото - Sputnik Тоҷикистон, 1920, 21.07.2022
Тоқаев гуфт, ҳарорати ҳаво дар Осиёи Марказӣ то охири аср то 6 дараҷа боло хоҳад рафт
Дар навоҳии алоҳидаи вилояти Хатлон низ борони шадид пешгӯӣ шуда, ҳарорат дар водиҳо шабона 9+14 дараҷа гарм, рӯзона 16+21 дараҷа гарм, дар доманакӯҳҳо шабона 6+11 дараҷа гарм, рӯзона 9+14 дараҷа гарм мешавад.
Шаҳру ноҳияҳои тобеи марказро низ ҳавои қисман абрнок дар пеш буда, эҳтимоли борон дар водиҳо ва барф дар куҳсорон вуҷуд дорад. Ҳарорат дар водиҳо шабона ба 6+11 дараҷа гарм ва рӯзона 12+17 дараҷа гарм, дар ноҳияҳои кӯҳӣ шабона аз 1+6 дараҷа гарм, рӯзона 9+14 дараҷа гармӣ мерасад.
Дар Душанбе низ ҳавои қисман абрнок пешбинӣ шуда, дар баъзе ҳолатҳо борони бошиддат дар назар аст. Ҳарорат шабона 11+13 дараҷа ва рӯзона 16+18 дараҷа гарм мешавад, омадааст дар иттилоия.
Лентаи хабарҳо
0