18:09 22 октябри 2020
Пахши мустақим
  • USD10.34
  • EUR12.27
  • RUB0.13
Таҳлил
Гирифтани линки кӯтоҳ
179120

Андрей Грозин, мудири шӯъбаи Осиёи Марказии Пажӯҳишгоҳи кишварҳои ИДМ тахмин зад, ки пас аз интихоби дубораи Эмомалӣ Раҳмон Тоҷикистонро чӣ интизор аст

ДУШАНБЕ, 13 окт — Sputnik.  Дар Тоҷикистон интихоботи президентӣ 11 октябр баргузор шуд. Тибқи ҳисобҳои пешакии КМИР, сарвари феълии кишвар Эмомалӣ Раҳмонро 90,92% интихобкунандагон дастгирӣ кардаанд. Ҳамин тавр, ӯ ҳафт соли дигар кишварро роҳбарӣ мекунад.

Ба гуфтаи Андрей Грозин, мудири шӯъбаи Осиёи Марказии Пажӯҳишгоҳи кишварҳои ИДМ, Раҳмон ва системаи сиёсии атрофи ӯ талош хоҳанд кард, то мавҷи афзояндаи бӯҳрони иқтисодиро паси сар кунанд.

Вай таъкид кард, ки пандемияи штамми нави коронавирус бештар мегардад. Дар ин робита, иқтисоди Тоҷикистон сарбории навро аз сар мегузаронад ва бинобар мушкилоти муҳоҷирони меҳнатӣ дар пасманзари баста шудани марзҳо, буҷа маблағи кофӣ ба даст намеорад.

“Зарур аст маҷмӯӣ чораҳои фавқулоддаи иқтисодии зиддибӯҳрониро амалӣ кард. Ин ба масъалаҳои марбут ба таҷдиди сиёсати андоз, молия системаи иҷтимоӣ дахл дорад. Суботро нигоҳ доштан лозим аст ва танҳо шиорҳо наметавонанд аҳолиро сер кунанд ", таъкид кард Грозин.

Ғайр аз ин, мақомоти Тоҷикистон бояд интизоми молиявӣ ҷорӣ кунанд ва бо коррупсия мубориза баранд.  Ба гуфтаи коршинос, бояд ба такмили кори мақомоти давлатӣ диққати махсус дода шавад, ки ҷомеа онро барои тасмимҳои саривақтӣ нагирифтан ва захираҳои нокифоя танқид мекунад.

Эмомалӣ Раҳмон боз барои 7 соли дигар Президент интихоб шуд

Ҳамзамон, тағирот дар низоми сиёсӣ, иқтисодӣ ва маъмурӣ танҳо дар сурате имконпазир аст, ки дар Тоҷикистон субот ҳифз шавад, гуфт таҳлилгар.

Барчаспҳо:
иқтисод, президент, Эмомалӣ Раҳмон, Андрей Грозин

Мавзӯъҳои асосӣ