15:57 06 марти 2021
Пахши мустақим
  • USD11.30
  • EUR13.50
  • RUB0.15
Тандурустӣ
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (977)
894 0 0

Ҷамолиддин Абдуллозода омили ба коронаиврус гирифтор нашудани худро ба риояи қатъии чораҳои пешгирикунанда рабт медиҳад

ДУШАНБЕ, 29 январ - Sputnik. Вазири тандурустии Тоҷикистон Ҷамолиддин Абдуллозода мегӯяд, гирифтори коронавирус нашудааст. Абдуллозода дар ин бора ба ҳафтаномаи "Тоҷикистон" хабар додааст.

Вазири тоҷик омили асосии дардманди коронавирус нашуданашро ба риояи қатъии чораҳои беҳдоштӣ рабт додааст.

"Ман аз коронавирус сироят наёфтаам, сабабаш дар он аст, ки чораҳои беҳдоштиро риоя мекардам",- изҳор доштааст Абдуллозода.

Дар идома вазири тоҷик таъкид намудааст, ки аз замони бурузи ин маризӣ дар мамлакат 99,3 дарсади гирифторон комилан шифо ёфтанд. 

Ба гуфтаи ӯ дар Тоҷикистон аз ин дард ҳамагӣ 0,68 дарсади фавт ба қайд гирифта шудааст, ки ин нишондод дар қиёс ба омори кишварҳои ҷаҳон, аз ҷумла давлатҳои Осиёи Марказӣ ба истиснои Туркманистон, камтарин аст.

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

Наздики ду ҳафта мешавад, ки Вазорати тандурустӣ ҳамарӯза омори нави коронавирусро бидуни сироятшавии ҷадид нашр мекунад. Охирин мавриде, ки дар Тоҷикистон сироятшавӣ ба ин дард сабт гардид, 10 - уми январ буд.

Мавзуҳо:
Пайомадҳои COVID-19 дар Тоҷикистон ва ҷаҳон (977)
Барчаспҳо:
маризӣ, Ҷамолиддин Абдуллоев

Мавзӯъҳои асосӣ