18:17 25 августи 2019
Пахши мустақим
  • USD9.68
  • EUR10.72
  • RUB0.15
Такси в городе Душанбе, архивное фото

Даҳшат: шавҳари рашкин ҳамсарашро дар таксӣ 10 корд зада кушт

© Sputnik / Стас Этвеш
Рӯйдодҳо
Гирифтани линки кӯтоҳ
202803

Вазорати умури дохилаи Тоҷикистон аз ҳодисаи мудҳиши куштори ҳамсар аз ҷониби шавҳараш дар шаҳри Истаравшан хабар медиҳад

ДУШАНБЕ, 7 авг - Sputnik. Бар хабари дафтари матбуоти Вазорати умури дохилаи Тоҷикистон, ҳодиса рӯзи 5-уми август соати тахминан 18:30 дақиқа рух додаст.

Манбаъ тавзеҳ медиҳад, ки ҷавони 26- сола, ки қаблан доғи судӣ доштааст, ба таври ваҳшиёна ҳамсари худро дар дохили мошини кирокардагӣ 10 корд зада ба қатл расонд.

Пеши ҳамсар бо дигар занҳо суҳбат мекардааст: гузориши ВУД аз ҷинояти даҳшатовар-видео

Бар хабари манбаъ, сокини 26 - солаи деҳаи Навободи шаҳри Истаравшан, ки пеш бо моддаи 237 Кодекси ҷиноятии Ҷумҳурии Тоҷикистон суд шудааст, бо гумони одамкушӣ дастгир карда шуд. 

"Номбурда, аз сабаби муноқишаи оилавӣ ва рашк ҳамсараш, зани 25-соларо, ки аз беморхонаи марказӣ ба хонааш бармегашт, дар дохили таксӣ бо корд 10 маротиба ба узвҳои баданаш задааст",- гуфта мешавад дар хабари ВУД. 

Дар натиҷа, ҷабрдида ҷароҳатҳои вазнини ҷисмонӣ бардошта ҳангоми ба беморхона дастрас намудан ба ҳалокат расидааст.

Зани ҷавонашро дар хиёнат бо дӯсташ муттаҳам кард: гузориши ВУД аз рашки фоҷиабор – видео

Айни замон аз рӯи ин ҳодиса парвандаи ҷиноятӣ оғоз гардида, тафтишот идома дорад.

Барчаспҳо:
кушта, корд, зан, шавҳар, Истаравшан

Мавзӯъҳои асосӣ