14:02 12 ноябри 2019
Пахши мустақим
  • USD9.70
  • EUR10.70
  • RUB0.15
Ҳамла ба дидбонгоҳ дар марзи Тоҷикистон бо Узбакистон

Ҳабдаҳ кушта: ҳамла ба дидбонгоҳ дар марзи Тоҷикистону Узбакистон-акс

© МВД Республики Таджикистан
Рӯйдодҳо
Гирифтани линки кӯтоҳ
1717902

Мақомоти Тоҷикистон аз ҳамлаи гуруҳи 20-нафарӣ ба дидбонгоҳи марзии “Ишқобод” дар марз бо Узбакистон хабар доданд, ки ба иттилои манбаъ, дар натиҷа 15 ҳамлавар безарар гардонда шуда, як марзбону як милиса ба ҳалокат расиданд

ДУШАНБЕ, 6 ноя — Sputnik. Вазорати умури дохилии Тоҷикистон мегӯяд, шаби 6 ноябри соли 2019 соати 03:23 дақиқа гурӯҳи мусалаҳи номаълуми ниқобдор, бо истифода аз силоҳи оташфишон ба дидбонгоҳи сарҳадии №4-и "Ишқобод"-и қисми ҳарбии отряди "Султонобод" ҳуҷум карданд. Зимни ҳамла онҳо 5 яроқи оташфишони (АКМ)-ро тасарруф намуданд. 

Манбаъ афзуд, дар натиҷаи дунболагирӣ ва амалӣ намудани амалиёт 15 нафар аъзои ҷинояткори мусаллаҳ безарар гардонида шуда, 4 автомашинаи онҳо нобуд карда шуд. Боқимонда 4 нафар аъзои гурӯҳ ба ҷониби деҳаи Эсанбойи ноҳияи Рӯдакӣ фирор намуданд, ки дастгир шудаанд.

ВУД таъкид кард, ки дар натиҷаи гузаронидани амалиётҳои муташаккилона 1 нафар хизматчии Қушунҳои сарҳадӣ ва 1 нафар корманди мақомоти корҳои дохилӣ ба ҳалокат расид.

ВУД инчунин акси мошинҳо ва ҷасадҳои сӯхтаро нашр кардаст, ки дар он ҷасади як зан низ ба чашм мерасад. 

Ҳамла ба дидбонгоҳ дар марзи Тоҷикистон бо Узбакистон
акс аз сомонаи ВУД Тоҷикистон
Ҳамла ба дидбонгоҳ дар марзи Тоҷикистон бо Узбакистон

Қаблан мақомоти марзбонии Тоҷикистон хабар доданд, ки шаби 06-уми ноябри соли 2019, соати 03:23 дақиқа, гурӯҳи мусаллаҳи иборат аз 20 нафар шахсони номаълуми ниқобдор, бо истифода аз силоҳи оташфишон ба дидбонгоҳи сарҳадии №4-и "Ишқобод"-и қисми ҳарбии отряди сарҳадии "Султонобод" ҳуҷум карданд.

Манбаъ афзуд, зимни ҳамла онҳо 5 яроқи оташфишон (АКМ)-ро тасарруф намуданд. Дар натиҷаи амалиёти ниҳодҳои қудратӣ 15 нафар аъзои гурӯҳи мусаллаҳи ҷинояткор, ки дар иҳота қарор доштанд, безарар гардонида шуда ва 5 нафари онҳо боздошт гардиданд. Дар ин муноқиша 1 сарбози Қӯшунҳои сарҳадӣ ва 1 корманди Вазорати корҳои дохилии ҶТ ҳалок шуданд.

Шашуми ноябр - Рӯзи Конститутсияи Тоҷикистон

Мақомот таъкид намуданд, ки айни замон дар ҷойи ҳодиса, гурӯҳи оперативӣ-тафтишотӣ таъсис дода шуда, таҳқиқи ҳодиса идома дорад.

Барчаспҳо:
марз, ҳалокат, кушта, ҳамлаи хунин, ҳамла, Тоҷикистон

Мавзӯъҳои асосӣ