04:02 18 августи 2019
Пахши мустақим
  • USD9.44
  • EUR10.46
  • RUB0.14
Арзи тоҷикӣ- сомонӣ

Лисовский: гуфтушуниди Маскаву Душанбе дар бораи ҳисоббаробаркунӣ

© Sputnik Амир Исаев
Андеша
Гирифтани линки кӯтоҳ
61 0 0

Созишнома оиди дасткашӣ аз ҳисоббаробаркунӣ бо доллар аз ҷониби Тоҷикистону Русия ҳамин сол ба имзо расида, молҳои воридотиро бо арзи миллӣ пардохт хоҳанд кард.

ДУШАНБЕ, 18 фев — Sputnik. Русия ва Тоҷикистон эҳтимоли дасткашӣ аз доллар ва ҳисоббаробаркунӣ бо пули миллиро муҳокима мекунанд, гуфт муовини аввали Кумитаи аграрии  Шӯрои федеролии Русия, Сергей Лисовский баъди анҷумани доираҳои тиҷҷорӣ ва иқтисодии ду кишвар дар рӯзи чоршанбе.

"Мо мехоҳем аз ҳисоббаробаркунӣ бо доллар даст кашида, ҳангоми он ба пардохт бо пули миллӣ гузарем",- илова кард ӯ. Лисовский бовар дорад, ки   ин муқаррарот ҳамин сол роҳандозӣ мегардад.

Дар баробари ин иштирокдорони вохурӣ масъалаҳои   интиқоли маҳсулоти кишоварзӣ ва дигар молҳоро байни Тоҷикистону Русия муҳокима намуда, ба масъалаи логистика диққати зоҳир карданд.

"Мо дар сохтани марказҳои логистикӣ байни Тоҷикистону Русия  ба мувофиқа расидем, инчунин масъалаҳои "долонҳои  сабз" барои муомилоти бемамониат муҳокима гардиданд",- гуфт Лисовский.

Ӯ қайд кард, ки маҳсулоти аз Тоҷикистон воридшаванда, сифати баланд дорад чунки  дар иқлими солим парвариш мешавад, вале зуд вайроншаванда аст, аз ин сабаб расмиёти гумрукӣ вуҷуд дорад.

Вобаста ба ин бояд марказҳои логистикӣ сохта шаванд, то маҳсулотро салқин нигоҳ дошта, ба таври  содда интиқол диҳанд, инчунин  "роҳравҳои сабз" барои таъминкунандагони боъэтимод пешниҳод карда мешаванд. Марказҳои логистикии Русия дар муддати кӯтоҳ маҳсулотро қабул намуда, муштариёнро таъмин менамоянд.

Лисовский қайд кард, ки Русия ба Тоҷикистон чун ҳамеша, маводҳои  муҳандисӣ, чӯб, ашёҳои кимиёвӣ ва маҳсулоти гуштӣ интиқол медиҳад.

Барчаспҳо:
масрафоти гумрукӣ, арзҳои миллӣ, рублу сомонӣ, дасткашӣ аз доллар, ҳисоббаробаркунӣ, логистика, Кумитаи аграрии Шӯрои федеролии Русия, Сергей Лисовский, Маскав, Тоҷикистон, Русия

Мавзӯъҳои асосӣ