04:45 23 июли 2019
Пахши мустақим
  • USD9.44
  • EUR10.59
  • RUB0.15
Владимир Путин, раисиҷумҳури Русия, акс аз бойгонӣ

Занги Путин ба Эмомалӣ Раҳмон баъди бозгашташ аз Душанбе ба Маскав

© Sputnik / Алексей Никольский
Сиёсат
Гирифтани линки кӯтоҳ
1096810

Владимир Путин, раисиҷумҳури Русия баъди бозгашташ аз Душанбе ба Маскав ба Эмомалӣ Раҳмон, раисиҷумҳури Тоҷикистон занг задааст

ДУШАНБЕ, 17 июн — Sputnik. Тавре дафтари матбуоти Кремл, имрӯз хабар додааст, Путин зимни суҳбати телефонӣ Ҳамоиши панҷуми Машварати ҳамкорӣ ва тадбирҳои боварӣ дар Осиё таҳти раёсати Ҷумҳурии Тоҷикистонро муваффақ баҳогузорӣ кардааст. Путин ба Раҳмон барои ташкили ҳамоиши муваффақонаи МҲТБО миннатдорӣ баён кардааст.

Раисиҷумҳури Русия инчунин барои меҳмоннавозие, ки ҷониби Тоҷикистон зимни ҳамоиши МҲТБО нишон додааст, изҳори миннатдорӣ намуд.  

МҲТБО дар Тоҷикистон бо иштироки ҳайатҳои ҳудуди 30 давлати дунё 14-15 июн дар шаҳри Душанбе баргузор шуд. Барои ширкат дар кори ҳамоиши сатҳи байналмилалӣ сарони давлатҳо, ҳукуматҳо ва намояндагони воломақоми кишварҳои узв — Тоҷикистон, Озарбойҷон, Афғонистон, Баҳрайн, Бангладеш, Ветнам, Миср, Исроил, Ҳиндустон, Урдун, Ироқ, Эрон, Қазоқистон, Қатар, Камбоҷа, Чин, Корея, Қирғизистон, Муғулистон, Аморати Муттаҳидаи Араб, Покистон, Фаластин, Русия, Таиланд, Туркия, Ҷумҳурии Узбакистон, Шри-Ланка ҷамъ омаданд.

Мавзӯъҳои асосӣ