03:49 18 сентябри 2019
Пахши мустақим
  • USD9.69
  • EUR10.70
  • RUB0.15
Раисҷумҳури Туркия. Акс аз бойгонӣ

Раисҷумҳури Туркия ҳангоми гузоштани намози Ид дар масҷид аз ҳуш рафт

© Sputnik / Сергей Гунеев
Дар ҷаҳон
Гирифтани линки кӯтоҳ
Моҳи мубораки Рамазон - 2017 (25)
46311

Раисиҷумҳури Туркия Раҷаб Тайиб Урдуғон рӯзи 25 июн дар намози иди Фитр дар масҷиди Истамбул аз ҳуш рафтааст

ДУШАНБЕ, 25 июн — Sputnik. Раисҷумҳури Туркия сабаби беҳушшавиашро якбора баланд шудани фишор гуфтааст.

Рӯзномаи туркии Hurriyet менависад, ки ин ҳодиса ҳангоми гузоштани намози иди Фитр дар яке аз масҷидҳои Истамбул ба вуқӯъ пайвастааст.

"Бо сабаби баланд шудани фишорам, ки аз диабет вобаст аст, ман худро бад ҳис кардам", — изҳор дошт раисҷумҳури Туркия.

Бино ба додаҳои рӯзнома, авзои раисҷумҳур айни ҳол хуб аст.

Нашриёт менависад, ки дар ҳоли беҳушшавии Урдуғон посбононаш ба назди ӯ давида расиданду дарҳол ба ҷои ҳодиса мошини ёрии таъҷилӣ даъват шудааст. Ба рӯзноманигорон иҷоза надодаанд, ки то ба масҷид наздик шаванд. Раисҷумҳур пас аз ба ҳуш омадан, ба саволҳои онҳо посух додааст.

Имрӯз, мусалмонони ҷаҳон Иди Фитрро ҷашн мегиранд. Моҳи мубораки Рамазон имсол 26 май шурӯъ шуда буд.

Поёнрасии моҳи мубораки Рамазон-иди Фитр унвон мешавад. Дар ин рӯз саҳари барвақт мардон барои гузоштани намози ид ба масҷидҳо раҳсипор мешаванду занон ба ороиши дастархон машғул мешаванд.

Имрӯз дар Маскав 250 ҳазор мусулмон дар гузоштани намози Иди Фитр ширкат карданд.

Мавзуҳо:
Моҳи мубораки Рамазон - 2017 (25)

Мавзуъ

Владимир Путин мусулмононро бо Иди Фитр муборакбод гуфт
Эмомалӣ Раҳмон бори дигар аз сарфакорӣ дар Иди Рамазон ёдрас кард
Кӯдакони камтавону бенаво аз Эмомалӣ Раҳмон идӣ дарёфт карданд
Супориши Эмомалӣ Раҳмон дар арафаи Иди саиди Фитр
Барчаспҳо:
аз ҳуш рафтан, Раҷаб Тайиб Урдуғон, Туркия

Мавзӯъҳои асосӣ