Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред

Захарова изҳороти Байденро дар бораи Русия шарҳ дод: Вашингтон бояд посух гӯяд

Худи Вашингтон бояд ба Маскав он чиро, ки дар муносибатҳои Русияву Амрико рӯй дода истодааст, эзоҳ диҳад, гуфт Мария Захарова зимни шарҳи изҳороти президенти ИМА Ҷо Байденро
ДУШАНБЕ, 18 мар — Sputnik. Вай қаблан гуфта буд, ки Владимир Путин "барои дахолат дар интихобот масъул хоҳад буд". Расонаҳо инчунин иддао доранд, ки Байден дар сӯҳбат бо як рӯзноманигори ABC президенти Русияро "қотил" номид, аммо оё вай дарвоқеъ инро дар назар дошт, маълум нест.
Президент РФ В. Путин - Sputnik Тоҷикистон, 1920, 18.03.2021
"Дашномдиҳанда худ лоиқи дашном аст": Путин ба Байден посух дод - навор
Сухангӯи Кохи Сафед Ҷен Псакӣ аз шарҳ додани он, ки суханони Байден дар бораи Путин истиора аст ё не, худдорӣ кард.
"Мо медонем, ки ҳамкасбони амрикоии мо аз посух додан ба саволи мустақими, ки дар онҷо чӣ рӯй дод, комилан даст кашиданд. Асосан чунин нест (посухҳо. - таҳ). Ин суол барои онҳост, ки бо онҳо чӣ мегузарад", - гуфт Захарова дар эфири радиои Вести FM.
Қаблан Вазорати корҳои хориҷӣ гуфта буд, ки сафири Русия дар Иёлоти Муттаҳида Анатолий Антонов ба машваратҳо дар Маскав барои арзёбии шароити кунунии муносибатҳо бо Вашингтон даъват шудааст.
Ин ниҳод таъкид кард, ки онҳо мехоҳанд аз "таназзули бебозгашти муносибатҳо бо Вашингтон" ҷилавгирӣ кунанд.
Сафорати Русия ба иттиҳоми ИМА дар бораи "дахолат" ба интихобот посух дод
Намояндагии дипломатии Русия дар Фейсбук навишт, ки "вазъи кунунӣ натиҷаи сиёсати ҳадафноки Вашингтон буд, ки дар солҳои охир, дарвоқеъ, қасдан ҳамкориҳои дуҷонибаро ба бунбасти сарбаста бурд".

Таҳримҳо алайҳи Русия

Рӯзи чоршанбе Вазорати тиҷорати ИМА маҳдудиятҳоро нисбати Русия тавсеа дод: он ба рӯйхати кишварҳое илова карда шуд, ки содирот ва воридоти силоҳ бо онҳо комилан манъ аст.
Истисноҳо барои авиатсия ва дар соҳаи технологияҳои таҳқиқи кайҳон сурат гирифтанд, аммо онҳо танҳо то 1 сентябр эътибор доранд. Қарор аз 18 март эътибор пайдо мекунад.
Красная площадь в сумерках, архивное фото - Sputnik Тоҷикистон, 1920, 18.03.2021
Вокуниши Кремл ба таҳқире, ки Байден нисбати Путин раво донист
Сабаби чунин чораҳо вазъи Алексей Навалний ва "истифодаи силоҳи кимиёвӣ ва биологӣ"  гуфта мешавад.
Илова бар ин, як рӯз пеш аз Умури кашшофии ИМА гузоришеро махферо ошкор кард, ки дар он Маскав ба кӯшиши кумак дар интихоби дубораи Доналд Трамп, бадном кардани Ҷо Байден ва "коштани ихтилоф" дар ҷомеаи Амрико айбдор карда шуд.
Кремл ин гузоришро "бепояву беасос" номид. Чӣ тавре ки котиби матбуотии президент Дмитрий Песков таъкид кард, Русия ба ягон маъракаи зидди номзадҳо дар интихобот ҳеҷ иртибот надорад.
Ба гуфтаи ӯ, чунин маводҳои "дур аз воҷеият" ҳамчун баҳона барои таҳримҳои нав истифода мешаванд.
Вазорати корҳои хориҷӣ дар навбати худ гуфт, ки онҳо ба маҳдудиятҳои нав "оромона" муносибат мекунанд - чунин чораҳо аллакай беш аз 90 маротиба ҷорӣ карда шуданд.
Таъсири баръакс: ИМА аз таҳримоти худ дар ҳарос аст
Ҳамзамон ин ниҳод гуфт, ки тақвияти фишори таҳримот алайҳи Русия барои "ба эътидол овардани муколамаи Маскав ва Вашингтон" имконият намедиҳад "ва масъулияти бад шудани он комилан ба дӯши Иёлоти Муттаҳида аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала