https://sputnik.tj/20220121/bahs-marz-qirghizho-moshin-isfara-sangboron-1045007488.html
Баҳси марзӣ: қирғизҳо “КамАЗ”-и сокини Исфараро сангборону ронандаро латукӯб кардаанд
Баҳси марзӣ: қирғизҳо “КамАЗ”-и сокини Исфараро сангборону ронандаро латукӯб кардаанд
Sputnik Тоҷикистон
Гуруҳе аз қирғизҳо як мошини боркаши “КАМАЗ”-и сокини Исфараро дар роҳ сангборон карда, ронандаи онро латукӯб намудаанд
2022-01-21T09:42+0500
2022-01-21T09:42+0500
2022-01-21T12:48+0500
вазъ дар марзи тоҷикистону қирғизистон
дар тоҷикистон
сиёсат
қирғизистон
баҳси марзӣ
https://cdnn1.img.sputnik.tj/img/102948/06/1029480639_38:0:1000:541_1920x0_80_0_0_88c600aec1e0f4c18ec7cfaa1cc04f02.jpg
ДУШАНБЕ, 21 янв – Sputnik. Дар сарҳади Тоҷикистону Қирғизистон боз муноқишае миёни сокинони наздимарзӣ сар задааст. Ин аввалин ҳодиса дар соли 2022 мебошад.Ин бор мошини боркаши тамғаи “КамАЗ”-и сокини ҷамоати Чоркӯҳи Исфара ва ронандааш мавриди сангборони қирғизҳо қарор гирифтааст.Зубайдулло Шомадов, котиби матбуотии ҳукумати шаҳри Исфара дар таъйиди ин хабар ба Sputnik Тоҷикистон гуфт, мошине, ки мавриди сангзании қирғизҳо қарор гирифтааст, ҳомили бор буд ва аз Ворух ба самти Чоркӯҳ ҳаракат мекард, вале дар маҳалли Оқсой қирғизҳо ба он дарафтодаанд. “Мошин ба Асламов Насруллобек Султонбекович, сокини ҷамоати Чоркӯҳ тааллуқ дорад, ки ба Ворӯх маводи озуқа мекашонд. Рӯзи 20-уми январ дар роҳ қирғизҳо монеи ҳаракаташ шуда, ба сангпартоӣ гузаштаанд. Ба ронанда низ гурӯҳӣ ҳамла намудаанд, хушбахтона, ба Асламов осеби ҷиддӣ нарасидааст”, - гуфт котиби матбуотии ҳукумати Исфара. Роҳи миёни Чоркӯҳ ва Ворух аз миёни маҳаллаи Оқсойи Қирғизистон мегузарад ва ин макон то ин вақт борҳо шоҳиди муноқишаҳои марзӣ шудааст. Бино ба иттилои манбаъ, қарор аст, 21 январ масъулони ҷамоатҳои наздимарзии Исфара вуқуи ин ҳодисаро якҷо бо масъулони ноҳияи Ботканд ба баррасӣ гиранд. Зубайдулло Шомадов вазъи марз бо Қирғизистонро ором арзёбӣ намуд. Ҷониби Қирғизистон ҳанӯз дар ин бора иттилое надодааст.Танишу созиш дар марзи Тоҷикистону ҚирғизистонАхиран вазъ дар марзи Тоҷикистону Қирғизистон 28 апрели соли 2021 дар пайи як баҳс сари дарғот ё мавзеи обтақсимкуни “Головной” шиддат гирифта, 29 апрел ба даргирии мусаллаҳонаи миёни низомиёни ду кишвар печид. Мақомоти Тоҷикистону Қирғизистон ҳамдигарро муттаҳам ба оғоз кардани ин даргирӣ мекунанд. Бар асари ин муноқишаи мусаллаҳонаи марзӣ аз ҳар ду тараф шумори қурбониёнро беш аз 55 нафар ҳисоб кардаанд. Тоҷикистон гуфт, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидааст. Қирғизистон аз ҳалокати 36 шаҳрвандаш дар ин даргирӣ хабар дод. Дар пайи гуфтушуниди ҷонибҳо ва суҳбатҳои роҳбарони ду кишвар рӯзи якуми май тирпаронӣ қатъ гардида, вазъ ба эътидол омад. Феълан гурӯҳи байниҳукуматии Тоҷикистону Қирғизистон барои мушаххассозии сарҳад кор мекунанд. Тоҷикистону Қирғизистон беш аз 980 километр марзи муштарак доранд, ки танҳо 520 километри он аломатгузорӣ шудааст. Номуайянӣ дар марз то ин вақт борҳо сабаби рухдоди муноқишаҳои марзӣ миёни шаҳрвандони ду кишвар шудааст.
https://sputnik.tj/20211223/shab-noorom-tirparoni-marzi-tojikiston-qirghiziston-1044335648.html
https://sputnik.tj/20211228/tojikistonu-qirghiziston-marzi-taftish-1044454401.html
қирғизистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
баҳс марз қирғизҳо мошин исфараро сангборон
баҳс марз қирғизҳо мошин исфараро сангборон
Баҳси марзӣ: қирғизҳо “КамАЗ”-и сокини Исфараро сангборону ронандаро латукӯб кардаанд
09:42 21.01.2022 (Навсозишуда: 12:48 21.01.2022) Гурӯҳе аз қирғизҳо як мошини боркаш, “КамАЗ”-и сокини Исфараро дар роҳ сангборон ва ронандаи онро латукӯб намудаанд
ДУШАНБЕ, 21 янв – Sputnik. Дар сарҳади Тоҷикистону Қирғизистон боз муноқишае миёни сокинони наздимарзӣ сар задааст. Ин аввалин ҳодиса дар соли 2022 мебошад.
Ин бор мошини боркаши тамғаи “КамАЗ”-и сокини ҷамоати Чоркӯҳи Исфара ва ронандааш мавриди сангборони қирғизҳо қарор гирифтааст.
Зубайдулло Шомадов, котиби матбуотии ҳукумати шаҳри Исфара дар таъйиди ин хабар ба Sputnik Тоҷикистон гуфт, мошине, ки мавриди сангзании қирғизҳо қарор гирифтааст, ҳомили бор буд ва аз Ворух ба самти Чоркӯҳ ҳаракат мекард, вале дар маҳалли Оқсой қирғизҳо ба он дарафтодаанд.
“Мошин ба Асламов Насруллобек Султонбекович, сокини ҷамоати Чоркӯҳ тааллуқ дорад, ки ба Ворӯх маводи озуқа мекашонд. Рӯзи 20-уми январ дар роҳ қирғизҳо монеи ҳаракаташ шуда, ба сангпартоӣ гузаштаанд. Ба ронанда низ гурӯҳӣ ҳамла намудаанд, хушбахтона, ба Асламов осеби ҷиддӣ нарасидааст”, - гуфт котиби матбуотии ҳукумати Исфара.
Роҳи миёни Чоркӯҳ ва Ворух аз миёни маҳаллаи Оқсойи Қирғизистон мегузарад ва ин макон то ин вақт борҳо шоҳиди муноқишаҳои марзӣ шудааст.
Бино ба иттилои манбаъ, қарор аст, 21 январ масъулони ҷамоатҳои наздимарзии Исфара вуқуи ин ҳодисаро якҷо бо масъулони ноҳияи Ботканд ба баррасӣ гиранд.
Зубайдулло Шомадов вазъи марз бо Қирғизистонро ором арзёбӣ намуд.
Ҷониби Қирғизистон ҳанӯз дар ин бора иттилое надодааст.
Танишу созиш дар марзи Тоҷикистону Қирғизистон
Ахиран вазъ дар марзи Тоҷикистону Қирғизистон 28 апрели соли 2021 дар пайи як баҳс сари дарғот ё мавзеи обтақсимкуни “Головной” шиддат гирифта, 29 апрел ба даргирии мусаллаҳонаи миёни низомиёни ду кишвар печид.
Мақомоти Тоҷикистону Қирғизистон ҳамдигарро муттаҳам ба оғоз кардани ин даргирӣ мекунанд. Бар асари ин муноқишаи мусаллаҳонаи марзӣ аз ҳар ду тараф шумори қурбониёнро беш аз 55 нафар ҳисоб кардаанд.
Тоҷикистон гуфт, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидааст. Қирғизистон аз ҳалокати 36 шаҳрвандаш дар ин даргирӣ хабар дод.
Дар пайи гуфтушуниди ҷонибҳо ва суҳбатҳои роҳбарони ду кишвар рӯзи якуми май тирпаронӣ қатъ гардида, вазъ ба эътидол омад.
Феълан гурӯҳи байниҳукуматии Тоҷикистону Қирғизистон барои мушаххассозии сарҳад кор мекунанд.
Тоҷикистону Қирғизистон беш аз 980 километр марзи муштарак доранд, ки танҳо 520 километри он аломатгузорӣ шудааст. Номуайянӣ дар марз то ин вақт борҳо сабаби рухдоди муноқишаҳои марзӣ миёни шаҳрвандони ду кишвар шудааст.
