Тамдиди маҳдудияти парвоз ба фурудгоҳҳои ҷануби Русия

© Sputnik / Максим БлиновСамолеты в аэропорту, архивное фото
Самолеты в аэропорту, архивное фото - Sputnik Тоҷикистон, 1920, 28.07.2022
Обуна шудан
Yandex newsTelegram
Маҳдудияти парвозҳо ба бархе аз фурудгоҳҳои ҷануб ва маркази Русия, ки аз оғози амалиёт дар Украина роҳандозӣ гардида буд, бори дигар тамдид шуд
ДУШАНБЕ, 28 июл — Sputnik. Низоми маҳдудияти парвозҳо ба 11 фурудгоҳ дар ҷануб ва маркази Русия то 5 август тамдид гардид, хабар дод РИА "Новости" бо такя ба мақомоти ҳавонавардии кишвар - "Росавиатсия".
"Маҳдудияти парвозҳо ба 11 фурудгоҳи қисмати ҷанубӣ ва марказии Русия то 5 августи соли 2022 тамдид шуд", - омадааст дар иттилоия.
Дар феҳрасти фурудгоҳҳое, ки парвоз ба онҳо мутаваққиф шудааст, Анапа, Белгород, Брянск, Воронеж, Геленҷик, Краснодар, Курск, Липетск, Ростови лаби Дон, Симферопол ва Элиста зикр гардидаанд.
"Росавиатсия" ба ширкатҳои ҳавопаймоии Русия тавсия додааст, ки аз масирҳои дигар барои анҷоми парвозҳо истифода кунанд. Аз ҷумла барои сафар ба минтақаҳое, ки маҳдудият доранд, истифода аз фурудгоҳҳои Сочи, Волгоград, Минералние Води, Ставропол ва Маскав маслиҳат дода шудааст.
Таъкид гардидааст, ки фурудгоҳҳои тавсияшуда зарфияти кофӣ барои хидматрасонӣ ба мусофирони иловагиро доранд.
Самолет авиакомпании Уральские авиалинии, архивное фото - Sputnik Тоҷикистон, 1920, 07.07.2022
Парвозҳои миёни Русия ва Тоҷикистон: хабарҳои охирин
Ҳавопаймо аз Маскав ба Хуҷанд ҳангоми парвоз ба паранда бархӯрд: тафсилот
"Росавиатсия" мегӯяд, дар маҷмуъ парвозҳо дар минтақаҳои дигар, аз ҷумла дар масирҳои байналмилалӣ аз рӯи реҷаи муқаррарӣ амалӣ мешаванд.
Маҳдудияти парвози ҳавопаймоҳои мулкӣ ба бархе аз манотиқи Русия дар пайи оғози амалиёти низомӣ дар Украина шуруъ шуд.
Русия 24 феврал амалиёти вижаро дар Украина оғоз кард. Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд. Аммо дар бораи ишғоли Украина сухане нест, таъкид кард раисҷумҳури Русия.
Лентаи хабарҳо
0